Андижон қишлоқ хўжалиги ва агротехнологиялар институтига Ўзбекистон Республикаси Коррупцияга қарши курашиш агентлиги директори Бурханов Акмал Эшондедаевич ҳамда Вилоят ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Комилов Комилжон Собирович ташриф буюрдилар. Меҳмонларни институт ректори Т.З.Султанов ва масъуллар кутиб олиб, институтда коррупцияга қарши курашиш бўйича амалга оширилган ишлари билан яқиндан таништирдилар.
Жумладан, ўқув аудиторияларни тўлиқ камералар билан жиҳозланганлик ҳолати, талабаларга яратилган шароитлар, талабалар билимини баҳолаш меъзонлари, коррупцияга қарши курашишга қаратилган ички меъёрий ҳужжатлар ва тартиб-қоидалари, жумладан, коррупцияга қарши курашиш режаси, Одоб-ахлоқ қоидалари, коррупцияга қарши ҳамда манфаатлар тўқнашувини бошқариш сиёсати бўйича амалга оширилган ишлар билан танишди.
Ходимлар бўлими бошлиғи Н.Солиев билан суҳбат ўтказиб, институтда фуқароларни ишга қабул қилишда коррупцион ҳолатларни олдини олиш учун институт веб сайти орқали онлайн эълон қилиб бориш бўйича таклифлар билдирди.
Бундан ташқари профессор-ўқитувчилар институтнинг миллий ва ҳалқаро рейтинг кўрсаткичларига қўшган ҳиссалари ҳамда ўқув, ўқув-услубий, илмий-тадқиқот ҳамда маънавий-маърифий йўналишларда эришган ютуқларини рағбатлантириш тизими бўйича институт ректорининг 2022 йил 3 мартдаги 90-Л сонли буйруғини янада такомиллаштириш бўйича таклиф мулоҳазаларини билдирди.
Агентлиги директори институтнинг раҳбар ҳодимлари, профессор-ўқитувчилари фаолиятида очиқлик, ошкоралик ҳамда шаффофликни таъминлаш, талабаларда ҳалолликни мустаҳкамлаш ва коррупсиянинг барчакўринишларига нисбатан муросасиз муносабатни шакллантириш, коррупцион ҳолатларани бартараф қилишнинг таъсирчан тизимини ишлаб чиқишга қаратилган комплекс чора-тадбирлар ишлаб чиқиш юзасидан маслаҳатлар берди.
Шунингдек институт ходимларининг коррупцияга қарши курашишсоҳасидаги ҳуқуқий саводхонлиги ва ҳуқуқий билимини ошириш, адолатлилик, ҳалоллик ва холислик, коррупциявий ҳолатларга муросасиз муносабатда бўлиш, мансаб ваколатларини суиистеъмол қилмаслик, манфаатлар тўқнашувига йўл қўймаслик принципларига риоя этиши шарт эканлиги кўрсатиб ўтилди.
