Andijon qishloq xo‘jaligi va agrotexnologiyalar instituti O‘simliklar himoyasi, agrokimyo va tuproqshunoslik fakulteti tarkibida ma’naviy-ma’rifiy, ilmiy-metodik, tashkiliy-uslubiy ishlarni amalga oshirib kelayotgan ijtimoiy kafedra sifatida O‘zbek tili, pedagogika va jismoniy madaniyat kafedrasi dastlab gumanitar fanlar kafedrasida, keyinchalik 2012-yil 1-dekabrda pedagogika va tabiiy fanlar kafedrasi sifatida faoliyat olib borib, 2015-yil 22-fevralida O‘zbek tili, pedagogika va psixologiya kafedrasi sifatida, keyinchalik 2016-yil avgust oyidan “Pedagogika, psixologiya va jismoniy tarbiya” kafedrasi, 2021-yil avgust oyidan O‘zbek tili, pedagogika va jismoniy madaniyat nomi bilan mustaqil kafedra sifatida faoliyatini boshladi.
Bugungi kunda kafedrada 23 nafar professor-o‘qituvchi faoliyat olib bormoqda. Shundan, 4 nafari dotsent, 1 nafari Pedagogika fanlari falsafa doktori (PhD), katta o‘qituvchilar – 5 nafar, assistentlar – 9 nafar, 5 nafar stajor – o‘qituvchi faoliyat yuritmoqda.
So‘nggi uch yilda kafedrada Ikromjon Mamajonov, Alijonova Mahbubaxonlar dotsentlik, G‘aniyev Doniyorbek fan doktori (PhD) ilmiy ishini muvaffaqiyatli himoya qildi. Bugungi kunda kafedraning ilmiy salohiyati 32.1% ni tashkil etadi.
Kafedra institutning o‘zbek tilini sohada qo‘llash, rus tili, pedagogika, psixologiya va jismoniy madaniyat fanlari bo‘yicha mutaxassislar kasbiy bilimlarini shakllantiruvchi kafedra sifatida faoliyat olib bormoqda. Hozirda kasb ta’limi yo‘nalishi agronomiya, qishloq xo‘jaligini mexanizatsiyalashtirish ta’limi yo‘nalishi bo‘yicha bakalavriat ta’limi mutaxassislariga tayanch kafedra sifatida ta’lim berib kelmoqda.