“Buxgalteriya hisobi va audit” kafedrasida 28 ta fanlar o‘qitib kelinmoqda. O‘quv mashg’ulotlari xozirgi yangi pedagogik va axborot texnologiyalari asosida o‘qitilmoqda. Kafedrada o‘qitiladigan barcha fanlardan o‘quv-uslubiy majmualarning takomillashtirilgan nusxalari elektron va qog’oz variantda tayyorlanib, kafedra va institut axborot resurs markaziga joylashtirildi. Bundan tashqari kafedraga sohaga oid O‘zbekiston Respublikasi Moliya Vazirligi tomonidan ishlab chiqilgan “Buxgalteriya hisobining milliy andozalari (BHMA), nizomlar, me’yoriy xujjatlar va boshqa qonun osti xujjatlarning elektron shakldagi ma’lumotlari keltirilgan va ulardan talabalar keng foydalanmoqda.
Kafedrada 2 ta yangi pedagogik va axborot texnologiyalari bo‘yicha ma’ruza o‘tish uchun mo‘ljallangan va jixozlangan ma’ruzalar xonasi, 5 ta amaliy mashg’ulotlar o‘tish uchun mo‘ljallangan va jixozlangan xonalari mavjud. SHu bilan birga kompyuterlarga Byudjet tashkilotlari, Fermer xo‘jaliklari hamda sanoat tashkilotlarida buxgalteriya hisobini avtomatlashtirilgan “Soliq va bojxona xabarlari” 1S programmalari joylashtirildi. Internetda buxgalteriya hisobi, soliq, moliya, bank soxasilaridagi so‘nggi o‘zgarish va yangiliklar kafedra stendlariga joylashtirib borilmoqda.
Kafedraning ma’naviy – ma’rifiy va tarbiyaviy ishlari institutimiz va fakultet dekanati tomonidan tasdiqlangan reja asosida olib boriladi.
Agrobiznes va raqamli iqtisodiyot fakulteti, Buxgalteriya hisobi va audit ta’lim yo‘nalishlariga kafedra professor-o‘qituvchilari gurux murabbiylari sifatida faoliyat ko‘rsatmoqdalar.
2022-2023 o‘quv yilida kafedrada erishilgan yutuqlari
- Kafedra professor- o‘qituvchilaridan YUldashev Botirjon Toshbaevich va Imodinov Xamidillo Soyibjonovichlar Falsafa fanlar doktori (PhD) ilmiy darajasini olishdi.
- Kafedra professor- o‘qituvchisi O‘rishev Qaxramon Oxunovich dottsentlik ilmiy unvon oldi.
- Kafedra professor- o‘qituvchilari tomonidan 1 darslik va 7 ta o‘quv qo‘llanma tayyorlanib chop etildi.
- Kafedra professor- o‘qituvchilari tomonidan respublikamizda OAK e’tirof etgan jurnallarda va xorijiy mamlakatlarda chop etiladigan jurnallarda 30 dan ortiq ilmiy maqolalar, respublika ilmi-amaliy anjumanlar 50 dan ortiq tezislar, xalqaro yuqori indeksatsiyalangan ilmiy jurnallarda 10 dan ortiq maqola va tezislari chop etildi.
- Kafedra mudiri, dotsent A.Mamajonov, YUldashev va X.Imodinovlar tomonidan 3 ta monografiya chop etildi.
- Buxgalteriya hisobi va audit ta’lim yo‘nalishi bitiruvchilaridan 14 nafari AT Agrobank tomonidan tashkil qilingan maxsus komissiya suhbatidan o‘tib, bankning turli filiallariga ishga yo‘llanma oldilar. Bundan tashqari AT Agrobankka 6 nafar, AT Turonbankka 3 nafar bitiruvchilarni ishga qabul qilish bo‘yicha shartnoma tuzildi.
