KAFEDRA O‘QUV ISHLARI
Kafedrada oʼquv jarayoni bakalavriat taʼlim yoʼnalishlari va magistratura mutaxassisliklari uchun DTSga mos ravishda tuzilgan oʼquv rejalar hamda institut Kengashi tasdiqlagan ishchi oʼquv rejalar asosida tashkil etilgan boʼlib, oʼquv fan dasturlari asosida ishchi o‘quv dasturlar tuzilib, kafedra yigʼilishida koʼrib chiqilgan, fakultet uslubiy komissiyasi hamda institut uslubiy Kengashi tomonidan tasdiqlangan.
Kafedrada bakalavriat ta’lim yo‘nalishlari magistratura mutaxassisliklari bo‘yicha barcha fanlardan o‘quv uslubiy majmualar, ma’ruza matnlari hamda laboratoriya, amaliy mashg‘ulotlari uchun uslubiy ko‘rsatmalar va metodik qo‘llanmalar tayyorlangan bo‘lib, ulardan o‘quv jarayonida samarali foydalanib kelinmokda.
Andijon qishloq xo‘jaligi va agrotexnologiyalar instituti rektorining ko‘rsatmasiga binoan O‘quv metodika bo‘limi bilan kelishilgan holda institutga yaqin ishlab chiqarish korxonalari bilan 3 va 4-bosqich talabalarining ishlab chiqarish amaliyotlarini o‘tkazish hamda mutaxassislik fanlaridan o‘quv mashg‘ulotlarini bevosita ishlab chiqarish korxonalarida olib borish bo‘yicha bir qator korxona va mashina traktor parklari bilan hamkorlik shartnomalari tuzildi. Ushbu shartnomalarga muvofiq hamkor tashkilotlarda talabalar uchun alohida o‘quv xonalari ajratilib, kafedra tomonidan jihozlandi.
2023-2024 o‘quv yili bahorgi semestr dars jadvaliga muvofiq hozirgi kunda kafedradagi “Qishloq va suv xo‘jaligida texnik servis” va “Suv xo‘jaligi va melioratsiya ishlarini mexanizatsiyalashtirish” ta’lim yo‘nalishlarining 3-bosqich 3-45, 3-56 va 4-bosqich 4-45, 4-56 guruhlaridagi mutaxassislik fanlaridan o’quv mashg’ulotlari bevosita hamkor ishlab chiqarish korxonalarida olib borilmoqda.
KAFEDRA ILMIY-TADQIQOT ISHLARI
Kafedrada faoliyat yuritayotgan professor-o‘qituvchilarning ilmiy salohiyati:
Kafedrada 34 nafar professor-o‘qituvchilar faoliyat ko‘rsatib kelmoqda. Ulardan: 1 nafar kafedra mudiri, texnika fanlari bo‘yicha falsafa doktori (PhD); 2 nafar fan nomzodi, professorlar; 7 nafar fan nomzodi, dotsentlar, 9 nafar texnika fanlari bo‘yicha falsafa doktori (PhD), dotsent va katta o’qituvchilar; 3 nafar katta o‘qituvchi, 8 nafar assistentlar va 4 nafar stajyor-o’qituvchilardan iborat bo‘lib ilmiy salohiyat 71,7% ni tashkil etadi.
Davlat ilmiy-texnika dasturlari doirasida ilmiy-tadqiqot ishlarining natijalari:
Ilm-fan samaradorligini oshirish, iqtisodiyotga ilm-fan yutuqlari va innovatsiyalarni keng joriy etish maqsadida kafedra professori, texnika fanlari doktori T.S.Xudoyberdiyev rahbarligida tayanch doktorantlar A.Abdumannopov, R.Yo‘ldashev, M.Xoldarov, O.Qobiljonov, O.Abdullayev hamda mustaqil tadqiqotchilar B.Razzaqov, A.G‘ulomovlar tomonidan taqdim etilgan bir qator loyixalar davlat ilmiy-texnika dasturlariga kiritilgan
Ilmiy-tadqiqot ishlarining samaradorligi:
So’ngi yillarda kafedrani 5 nafar yosh izlanuvchilari va doktorantlari: M.M.Xalilov, M.T.Mamarasulova, R.Maxmudov, I.Abdimominov, D.Rustamova, M.Yuldasheva, Sh.Xaydarova, A.Abdumannopov, R.Yuldashev, B.Razzaqov, M.Turdiyevalar ilmiy ishlarini muvofaqqiyatli yakunlab, texnika fanlari bo‘yicha falsafa doktori (PhD) ilmiy darajasiga ega bo‘ldilar.
Kafedrani professor-o‘qituvchilari rahbarligida 14 nafar doktorant va tayanch doktorantlar ilmiy izlanishlar olib bormoqda.
Kafedra mustaqil-izlanuvchilaridan X.Samsaqova, Z.Zulunov, X.Sattarov, A.Yuldashev, Z.Burxonov, A.G’ulomov, Sh.Sarimsaqovalar texnika fanlari bo‘yicha falsafa doktori (PhD) darajasini olish uchun dissertatsiyalarini asosiy himoyaga tayyorlashmoqda.
Kafedra professor-o‘qituvchilari tomonidan chop etilgan ishlar: monografiya, ilmiy maqolalar, olingan litsenziya va patentlar.
Kafedra professor-o‘qituvchilari tomonidan o‘tgan yillar davomida 10 dan ortiq darsliklar, 10 dan ortiq elektron darslik, 30 dan ortiq o‘quv qo‘llanmalar, 10 dan ortiq o‘quv-uslubiy qo‘llanmalar, 10 tadan ortiq monografiyalar, 50 tadan ortiq xalqaro jurnallarda, jumladan 20 dan ortiq Web of Science yoki Scopus xalqaro ma’lumotlar bazasida indekslangan xorijiy nashrlarda, 50 dan ortiq respublika jurnallarida, 100 dan ortiq xalqaro konferentsiyalarda, 80 dan ortiq Respublika konferentsiyalarida, jami 400 ga yaqin ilmiy maqolalar matbuot sahifalarida e’lon qilingan.
Kafedra professorlari T.S.Xudoyberdiyev, A.N.Xudoyarov, dotsentlar D.A.Abdullaev, B.R.Boltaboyev, B.N.Tusunov, PhD M.M.Xalilov, M.T.Mamarasulova katta o‘qituvchilar Z.Zulunov, M.A.YUldasheva, assistentlar B.A.Razzaqov, X.Samsaqova, SH.Xaydarova, G.Mamadaliyeva tayanch doktorantlar O.Qobiljonov, M.Xoldarov, O.O.Abdullaev, D.Xudoynazarov, A.M.Abdumannopov, R.R.Yo‘ldoshev tomonidan olib borilayotgan ilmiy-tadqiqot ishlari bo‘yicha 18 ta foydali model olish uchun Intellektual mulk agentligiga arizalar topshirildi va barchasi qabul qilinganligi to‘g‘risida qaror olindi. Jumladan professor T.S.Xudoyberdiyev, dotsentlar B.R.Boltaboyev, B.N.Tusunov, PhD M.M.Xalilov, assistentlar B.A.Razzaqov, X.Samsaqova, SH.Xaydarova tayanch doktorantlar O.O.Abdullayev, A.M.Abdumannopov, R.R.Yo‘ldoshevlar foydali model uchun ijobiy qarorini oldi.
KAFEDRA MA’NAVIY-MA’RIFIY ISHLARI
Qishloq xo‘jaligi mashinalari va texnik servisni tashkil etish kafedrasi professor-o‘qituvchilari tomonidan talabalarga ma’naviy-ma’rifiy tadbirlarda talabalar Respublika Prezidenti tomonidan e’lon qilingan Farmonlar, Respublika Vazirlar Mahkamasida qabul qilingan qarorlarni mazmuni va mohiyati bilan tanishtirib kelinmoqda, shuningdek Respublikamiz qishloq xo‘jalik korxonalari va fermer xo‘jaliklariga kadrlar tayyorlashni yanada yaxshilash haqidagi Vazirlar Mahkamasi qarorining mohiyati haqida suhbatlar o‘tkazilib kelinmoqda.
2023-yil oktyabr oyida “Qishloq xo’jalik mashinalari va texnik servisni tashkil etish” kafedrasining talabalar turar joyida bir hafta davomida reja asosida qator ma’naviy-marifiy va sport tadbirlari o’tkazilgan
Jumladan Andijon qishloq xo‘jaligi va agrotexnologiyalar instituti Agroinjeneriya va gidromelioratsiya fakulteti Qishloq xo‘jalik mashinalari va texnik servisni tashkil etish kafedrasining hafta davomida o‘tkazilishi belgilangan ma’naviy-ma’rifiy ishlar rejasiga asosan fakultet xotin-qizlar kengashi bilan hamkorlikda musobaqa o‘tkazilgan. Kafedra ayol professor-o‘qituvchilari va talaba-qizlar o‘rtasida sportning voleybol turi bo‘yicha o‘tkazilgan bellashuvlar qizg‘in kechgan. Voleybol maydonida ustozlar ham talaba qizlar ham sport ustasi ekanliklarini bir birlariga ko‘rsatib qo‘yishdi.
Hisob 2:1 ochko bilan talaba-qizlar foydasiga hal bo‘lgan.
Agroinjeneriya va gidromelioratsiya fakulteti talaba qizlari oʻrtasida navbatdagi bellashuv oʻtkazildi. Fakultetning Xotin-qizlar masalalari boʻyicha dekan maslahatchisi D.Karimova hamda Qishloq xoʻjalik mashinalari va texnik servis tashkil etish kafedrasi tashabbusi bilan 2-talabalar turar-joyida yashovchi fakultet qizlari oʻrtasida “PAZANDACHILIK QIZLAR” nomli koʻrik-tanlov tashkil etildi. Qizlarimiz bu jarayonga jiddiy kirishib, pazandachilikdagi bor mahoratlarini koʻrsatdilar. Bosqichlar kesimida oʻtkazilgan musobaqada ishtirokchilarni baholash uchun turli xil salatlar va shirinliklarni mazali qilib tayyorlanilishiga va bezaklari ham alohida eʼtiborga olindi.
1-bosqich Lobar qizlar jamoasi «Eng chaqqon saranjom pazandalar»
2-bosqich Oqqushlar jamoasi «Eng mohir pazandalar»
3-bosqich Injener qizlar jamoasi «Eng tezkor kreativ pazandalar» nominatsiyalari boʻyicha taqdirlandilar.
Andijon qishloq xo‘jaligi va agrotexnologiyalar instituti Agroinjeneriya va gidromelioratsiya fakulteti Qishloq xo‘jalik mashinalari va texnik servisni tashkil etish kafedrasi tomonidan «Zakovat» o‘yini tashkil etildi. Aqliy bellashuvlar fakultet talabalari o‘rtasida bo‘ldi. Bellashuvda “Everest”, “Ilg‘orlar”, “Universe”, “Og‘alar”, “Shiddat” jamoalari ishtirok etdilar.
Yakuniy natijalarga ko‘ra:
▶️“Og‘alar” jamoasi 3-o‘rinni,
▶️“Shiddat” jamoasi 2-o‘rinni,
▶️“Universe” jamoasi 1-o‘rinni egalladilar.
Agroinjeneriyani va gidromelioratsiya fakulteti Qishloq xoʻjaligi mashinalari va texnik servisni tashkil etish kafedrasi professor-oʻqituvchilari tomonidan oxirgi oʻn kunlik davomida tanlovlar, sport musobaqalari va bellashuvlar oʻtkazildi. Ushbu tadbirlarda faol qatnashgan talabalar hamda hakamlar tomonidan yuqori bahoga ega boʻlib, gʻoliblikni qoʻlga kiritgan talabalar kafedra tomonidan diplom hamda esdalik sovgʻalari bilan taqdirlandilar. Marosim davomida shoʻx taronalarga hamohang tarzda oʻyin kulgular davrani yanada fayzli qildi.
Qishloq xoʻjaligi mashinalari va texnik servisni tashkil etish kafedrasi dotsenti M.Mamarasulova shogirdlari SH.Poʻlatova, M.Rahimova, F.Toxirjonova bilan birga «BMT TARAQQIYOT DASTURI LOYIHASI DOIRASIDA» mentor va mentilar uchun Fargʻona viloyatida boʻlib oʻtgan yakuniy konferensiyada qatnashishdi. «Meva, sabzavotlarni quritish va qadoqlash» kichik biznes loyihalari bilan faollikni qoʻldan boy bermasdan, gʻolib boʻldilar.
2024-yilda Andijon viloyati qishloq xoʻjaligi boshqarmasi hamda Andijon qishloq xoʻjaligi va agrotexnologiyalar instituti bilan hamkorlikda koʻrgazmali seminar boʻldi. Qishloq xoʻjaligi sohasiga oid yangiliklar, zamonaviy texnikalar bilan tanishuvdan boshlangan seminarda klasterlar, fermer xoʻjaligi rahbarlari, shuningdek Agroinjeneriya va gidromelioratsiya fakulteti Qishloq xoʻjalik mashinalari va texnik servisni tashkil etish kafedrasi professor oʻqituvchilari va talabalar qatnashishdi. Seminarda «Uz CLASS Agro» MChJ tomonidan yangi texnikalar taqdimoti oʻtkazildi. Ularning qulayligi, ishchi kuchining kam sarflanishi va unumdorligi koʻrgazmalarda batafsil tushuntirildi.
