Agrokimyo va tuproqshunoslik kafedrasi

Agrokimyo va tuproqshunoslik kafedrasi katta o’qituvchisi Jo’raev Alijon  O’zbekiston Respublikasi OAK ning 2022-yil 31-avgustdagi 322/1-sonli bayonnnomasiga asosan qishloq xo’jalik fanlari bo’yicha falsafa doktori ilmiy darajasini oldi. ( 01№ 007393)

Kafedra dotsenti S.Xusanov 2023-yil noyabr oyida TOEFL iBT xorijiy til bilish darajasi bo‘yicha 80 ball bilan V2 darajasini qo‘lga kiritdi.

Kafedra mudiri, dotsent I.Ro‘ziev va dotsenti S.Xusanovlar xalqaro reytingda kuchli mingtalikka kiritilgan Janubiy Qozog‘iston Respublikasidagi Muxtor Avezov nomli universitetda 14-18 soatlik ma’ruza o‘qib qaytdilar.

Kafedra mudiri, dotsent I.Ro‘ziev  va professor T.Uraimovlar “O’zbekiston Respublikasi qishloq xo’jaligi fidoiysi” ko‘krak nishoni bilan, Kafedra katta o‘qituvchisi M.Yaxyoqulova Oliy ta’lim fan va innovatsiyalar vazirligining Faxriy yorlig‘i bilan taqdirlandi.

Kafedra mudiri, dotsent I.Ro‘ziev tomonidan Agrokimyo va agrotuproqshunoslik ta’lim yo‘nalishlari talabalari uchun “Tuproqshunoslik va geologiya” darsligi,  professor T.Uraimov tomonidan Agronomiya, Ipakchilik va tutchilik, O‘rmonchilik, Qishloq xo‘jalik mahsulotlarini saqlash va dastlabki ishlash texnologiyasi ta’lim yo‘nalishlari talabalari uchun “Tuproqshunoslik va agrokimyo” fanidan darslik, Agronomiya, Agrokimyo va agrotuproqshunoslik, O‘rmonchilik ta’lim yo‘nalishlari talabalari uchun “Tuproqshunoslik va agrokimyoning ekologik muammolari” fanidan o‘quv qo‘llanma, Ipakchilik va tutchilik, O‘rmonchilik ta’lim yo‘nalishlari talabalari uchun “Agrokimyo” fanidan darslik, Ipakchilik, O‘rmonchilik ta’lim yo‘nalishi talabalari uchun “Tuproqshunoslik” fanidan darsliklar chop ettirildi.

Kafedrada T.Uraimov rahbarligida “O’zbekiston sharoitida organomineral o’g’itlar va fiziologik faol moddalarni kompleks qo’llash asosida kungaboqar va makkajo’xori yetishtirishning ekologiyalashgan texnologiyalarini yaratish” mavzusidagi IL-432105783 davlat granti asosidagi 1 mlrd. so’m mablag’lik ilmiy-amaliy loyiha bajarildi.

Bundan tashqari kafedrada dotsenti I.Ro’ziyev rahbarligida issiqxonada  ekologik toza sabzavot yetishtirishga ixtisoslashgan Spinof loyiha bajarib kelinmoqda.