Fakultet to’g’risida qisqacha ma’lumot
O‘zbekiston Respublikasi Prezidentining 2020 yil 7-iyuldagi PQ-4795-sonli (AGRAR TA’LIM TIZIMINI YANADA TAKOMILLASHTIRISH CHORA–TADBIRLARI to’g’risida) qaroriga muvofiq Toshkent davlat agrar universiteti Andijon filiali negizida Andijon qishloq xo’jaligi va agrotexnologiyalar Instituti tashkil etildi. Institut ta’sarufida yangi “Agroinjeneriya va Gidromelioratsiya” fakulteti tashkil topdi. Fakultetda 4 ta kafedra mavjud bo’lib, bular “Qishloq xo’jalik mashinalari va texnik servisni tashkil etish”, “Gidrotexnika va meliorativ inshoatlar”, “Elektr energiyasi va nasos stansiyalaridan foydalanish” xamda “Xorijiy tillar”. Fakultetda 5 ta fan doktori, 19 ta fan nomzodlari faoliyat olib bormoqdalar. Ushbu fakultet tarkibida hozirgi kunda Qishloq xo’jaligini mexanizatsiyalashtirish, Qishloq va suv xo’jaligida texnik servis, Suv xo’jaligi melioratsiya ishlarini mexanizatsiyalashtirish, Suv xo’jaligi va melioratsiyasi, Gidrotexnika inshoatlari, Qishloq va suv xo’jaligida elektr ta’minoti, Texnologik jarayonlarni ishlab chiqarishni avtomatlashtirish va boshqarish, Zooinjeneriya (baliqchilik), Zooinjeneriya (asalarichilik), Zooinjeneriya (turlari bo’yicha), Veterinariya (meditsinasi) ta’lim yo‘nalishlarida talabalar taxsil olmoqda. Fakultetda xozirgi kunda 800 nafardan ortiq talabalarga yuqori malakali professor-o‘qituvchilar tomonidan ta’lim bermoqda.
Fakultetda talabalarga bilim berish ishlari yaxshi tashkil etilgan bo‘lib, Ilm fanni ishlab chiqarish bilan integratsiya asosida yuqori salohiyatli professor-o‘qituvchilar bilim berishmoqda. Qishloq xo‘jaligini mexanizatsiyalashtirish, Suv xo’jaligi va melioratsiyasi, Qishloq va suv xo’jaligida texnik servis ta’lim yo‘nalishlarini talabalari chet el mamlakatlarida bilim va ko’nikmalarini oshirib kelishmoqda.