Yoshlar bilan ishlash, ma’naviyat va ma’rifat boʻlimi institut jamoasi, ayniqsa talaba-yoshlar oʻrtasida milliy va umumbashariy qadriyatlarga asoslangan demokratik tamoyillarni qaror toptirish orqali inson huquqlari va qadr-qimmatlarini ulugʻlashga, jismonan sogʻlom, aqlan yetuk, dunyoqarashi teran va mustaqil fikrlovchi komil insonni tarbiyalashga yoʻnaltirilgan uzoq muddatli, keng kolamli ma’naviy-axloqiy tarbiya dasturini amalga oshiradi.
Yoshlar bilan ishlash, ma’naviyat va ma’rifat boʻlimi Oʻzbekiston Respublikasining Konstitutsiyasi va qonunlari, Oʻzbekiston Respublikasi Prezidenti Farmon Qaror va Farmoyishlari, Oʻzbekiston Respublikasi Vazirlar Mahkamasi qarorlari, Oliy va oʻrta maxsus ta`lim vazirligi buyruqlari hamda institut ichki tartib-qoidasi va ushbu boʻlim Nizomiga binoan faoliyat koʻrsatadi.
Yoshlar bilan ishlash, ma’naviyat va ma’rifat boʻlimining asosiy maqsadi – talaba-yoshlarni milliy va umuminsoniy qadriyatlarga sodiqlik ruhida tarbiyalash, ularning ma`naviy, estetik, ahloqiy dunyoqarashini kengaytirish, tafakkurini turli xil gʻayriinsoniy gʻoyalar ta`siridan himoya qilish hamda mustaqil Oʻzbekistonning chinakam fidoiysi boʻlib yetishtirishdan iborat.