Bo‘lim haqida: O‘zbekiston Respublikasi Prezidentining 2020 yil 30 iyuldagi “Аgrar taʼlim tizimini yanada takomillashtirish chora-tadbirlari to‘g‘risida”gi PQ-4795-son qarori ijrosini ta’minlash maqsadida Аndijon qishloq xo‘jaligi va agrotexnologiyalar institutida Ilmiy tadqiqotlar, innovatsiyalar va ilmiy-pedagogik kadrlar tayyorlash bo‘limi sifatida qayta nomlanib faoliyat olib bormoqda.
Bo‘limning asosiy maqsadi: mamlakat ilm-fani taraqqiyotini yanada rivojlashtirish maqsadida Respublika iqtisodiyotini ustuvor yo‘nalishlari bo‘yicha ilmiy-tadqiqot ishlarini olib borish uchun imkoniyat yaratilib, ilmiy va ilmiy-pedogogik kadrlarni tayyorlash orqali Andijon qishloq xo‘jaligi va agrotexnologiyalar instituti ilmiy salohiyatini yuksaltirishdan iborat.
Bo‘lim o‘z faoliyati davomida quyidagi vazifalarni bajaradi:
- O‘zbekiston Respublikasi Prezidentining ta’limga oid Qonunlari, Farmonlari, Farmoyishlari, Qarorlari, Vazirlar Mahkamasining Qarorlari, Oliy ta’lim, fan va innovatsiyalar vazirligining Qarorlari, buyruqlari, yo‘riq xatlari, modemogramma va telefonogrammalarini, shuningdek, institut buyruqlarining fakultetlar, kafedralar, bo‘limlarda bajarilishini ta’minlash va monitoringini olib borish;
- bo‘limning barcha faoliyati va xodimlarini umumiy boshqarish;
- bo‘limning ish rejalarini tuzish va ularning ijrosini ta’minlash;
- bo‘lim maqsadidan kelib chiqib ta’lim muassasasida mutasaddi bo‘lgan bo‘g‘inlar faoliyatini muvofiqlashtirish;
- institut professor-o‘qituvchilari tomonidan kafedralarda olib borilayotgan ilmiy-tadqiqot ishlarini muvofiqlashtirish va ish yurituvchi hujjatlarning to‘g‘ri olib borilishini nazorat qilib borish;
- institutning ilmiy, innovatsion va nashriyot faoliyatini tashkillashtirish va muvofiqlashtirish;
- institut professor-o‘qituvchilari, doktorant, tayanch doktorantlar, mustaqil izlanuvchilarning ilmiy-tadqiqot va innovatsiyalarni qo‘llab-quvvatlashga qaratilgan tanlov va grantlar hamda davlat dasturlari doirasidagi innovotsion, amaliy, fundamental hamda start-up loyihalarida ishtirokini taʼminlash va nazorat qilish;
- stajyor-tadqiqotchi, tayanch doktorant, doktorant va mustaqil izlanuvchilarning doktorlik dissertatsiyasi mavzularini Respublika iqtisodiyotining ustuvor yo‘nalishlari bo‘yicha amalga oshiriladigan fundamental va amaliy, innovatsion loyihalar hamda xo‘jalik shartnomasi bo‘yicha olib borilayotgan ilmiy loyihalar yo‘nalishlariga mos bo‘lishini ta’minlash;
- stajyor-tadqiqotchi, tayanch doktorant, doktorant va mustaqil izlanuvchilarni qabul qilish rejasini ishlab chiqish O‘zbekiston Respublikasi Qishloq xo‘jaligi vazirligi tomonidan belgilangan buyruq asosida tuzish;
- stajyor-tadqiqotchi, tayanch doktorant, doktorant va mustaqil izlanuvchilarning yillik ish rejalari asosida attestatsiyadan o‘z vaqtida o‘tishlarini ta’minlash;
- professor-o‘qituvchilar, stajyor-tadqiqotchi, tayanch doktorant, doktorant va mustaqil izlanuvchilar tomonidan ilmiy-tadqiqot va ilmiy-texnik ishlanmalarni bajarish va ularning natijalarini amaliyotga joriy etish ishlarida ko‘maklashish;
- yosh olimlar uchun ilmiy mavzulari bo‘yicha mo‘ljallangan ixtiro va patentlariga me’yoriy hujjatlar olishlari uchun sharoitlar yaratish;
- yosh olimlarni ilmiy yo‘nalishlari bo‘yicha chet el yetakchi oliy ta’lim muassasalari, ilmiy markazlari va ishlab chiqarish korxonalariga stajirovka va xizmat safariga yuborishni tashkil qilish;
- institut professor-o‘qituvchilari, doktorant, tayanch doktorantlar, mustaqil izlanuvchilarning maqolalar, texislar chop ettirishdagi faolligini oshirish;
- taʼlim va fanning integratsion jarayonlarini kuchaytirish, ilmiy faoliyat samaradorligini oshirish maqsadida yetakchi ilmiy markazlar, tashkilotlar va korxonalar bilan ilmiy hamkorlikni rivojlantirish hamda ilmni tijoratlashtirish;
- O‘zbekiston Respublikasida qishloq xo‘jaligini rivojlantirish bo‘yicha ilmiy tadbirlar, davra suhbatlari, seminarlar, simpoziumlar, xalqaro va milliy konferensiyalarni tashkil etish va o‘tkazish.