Tashkil topgan yili: 2021 yil 11 avgust kunidan boshlab, bo’limning nomi Marketing va talabalar amaliyoti bo’limi deb yuritila boshladi.
Maqsadi: Iqtisodiy sohalar va ijtimoiy infrastrukturalarning malakali kadrlarga bo’lgan ehtiyojini o’rganish va ushbu ehtiyojni qondirish usullarini aniqlash. Bozor iqtisodiyoti sharoitida oliy o’quv yurtining raqobatbardoshligini oshirishga, moliyaviy-iqtisodiy barqarorligini taminlashga va professor – o’qituvchilar, xodimlar tarkibining ijtimoiy himoyasini yaxshilashga yordam beradi.
Vazifasi: Qishloq xo’jaligi vazirligiga qarashli Farg’ona vodiysidagi barcha korxona, muassasa va tashkilotlarining institutda tayyorlanayotgan oliy malakali mutaxassislarga ehtiyojini o’rganish asosida ma’lumotlar bankini shakllantirish va davlat granti asosida bitirgan yosh mutaxassislardan respublikamiz iqtisodiyoti tarmoqlarida samarali foydalanish uchun imkoniyat yaratish va ularni ishga taqsimlash ishlari bo’yicha faoliyat yuritish, tashkilot va korxona rahbarlari, ishlab chiqarish ilg’orlari, institut rahbariyati hamda professor-o’qituvchilari jalb etilgan holda bitiruvchilarni o’z mutaxassisliklari bo’yicha ishga joylashtirish va ish joylarida ko’nikmalar hosil qilish uchun uslubiy yordamlar berib borishdan iboratdir.