1964-yilda Agronomiya fakulteti tashkil topgan. O‘zbekiston Respublikasi Prezidentining 2018-yil 8-maydagi “Toshkent davlat agrar universitetida oliy ma’lumotli kadrlar tayyorlash tizimini tubdan takomillashtirish chora-tadbirlari to‘g‘risida”gi PQ-3704-sonli qaroriga asosan Agrobiologiya fakulteti nomiga o‘zgartirildi.
Ushbu fakultet tarkibida 4 ta kafedra mavjud bo‘lib, bular “O‘simlikshunoslik, soya va moyli ekinlar”, “Dehqonchilik va o‘rmon melioratsiyasi”, “Qishloq xo‘jaligi ekinlari seleksiyasi, urug‘chiligi va dorivor o‘simliklar yetishtirish”, “Gumanitar fanlar” kafedralari . Fakultetda hozirgi kunda Agronomiya (dehqonchilik mahsulotlari turlari bo‘yicha), O‘rmonchilik, Qishloq xo‘jaligi ekinlari seleksiyasi va urug‘chiligi (ekin turlari bo‘yicha), Dorivor o‘simliklarni yetishtirish va qayta ishlash texnologiyasi, Ekologiya va atrof-muhit muhofazasi (tarmoqlar va sohalar bo‘yicha), Professional ta’lim (Agronomiya), Manzarali bog‘dorchilik va ko‘kalamzorlashtirish ta’lim yo‘nalishlarida talabalar tahsil olmoqda. Fakultetda 600 nafardan ortiq talabalarga yuqori malakali professor-o‘qituvchilar ta’lim bermoqda.